Bimby happy sa unang suweldo, unang iti-treat si Kris

Masayang tinanggap ni Bimby Aquino ang kanyang unang suweldo bilang host ng ‘Eat Bulaga’.
Sa reel na ibinahagi ng Facebook page na ‘Kris Aquino World’ makikita si Bimby habang nagpipirma para sa kanyang suweldo.
“I’m claiming my first adult suweldo,” ani Bimby.
Ikinatuwa rin ni Bimby nang malaman na cash ang kanyang tatanggaping suweldo.
“Cash?! Wow it’s cash, I like cash,” sey pa ni Bimby.
Nang tanungin kung sino ang una niyang ililibre, mabilis sinabi ni Bimby na:
“My mom of course, I have to.”
Sinabi rin ni Bimby na kalahati ng kanyang suweldo ay ido-donate nila sa simbahan.
Aniya, nag-promise ang kanyang inang si Kris Aquino sa kanilang priest na si Fr. Jun na ido-donate ang kalahati ng kanyang unang suweldo.