eGov PH app, palalakasin ng DICT para iwas aberya

 Sinabi ng Department of Information and Communications Technology (DICT) na pinapalakas nila ang back-end systems ng eGov PH app upang maiwasan ang downtime na dulot ng biglaang dami ng gumagamit.
Ayon sa DICT, ina-upgrade nila ang servers at dinadagdagan ang cloud capacity para mas kayanin ang mas mataas na demand ng users.
Nakikipag-ugnayan din ang ahensya sa iba’t ibang government agencies upang matiyak na stable at maayos ang integration ng kanilang mga sistema sa platform.
Noong nakaraang linggo, nilinaw ng DICT na ang naging temporary downtime ng app ay hindi dahil sa security breach, kundi dahil sa sobrang dami ng sabay-sabay na transaksyon.
“Instead of relying only on a central system, agencies are now expected to better manage their own systems while staying connected through the eGov PH platform. This is meant to reduce bottlenecks and prevent system-wide outages. The government is also seeking additional funding to support these upgrades as more Filipinos continue to use the app,” ayon kay DICT Undersecretary David Almirol Jr.
Umabot na sa humigit-kumulang 40 milyong downloads ang eGov PH app at nakakonekta na ito sa nasa 1,000 government systems.
Ayon sa DICT, nagsimula ang mga ulat ng outage bandang April 13 kung saan maraming users ang hindi maka-login o makapag-transact.
Sinabi ng DICT na layunin nila ngayon ang bumuo ng mas matatag at maaasahang sistema na kayang mag-accommodate ng milyon-milyong users nang walang aberya.
===