PBBM, pinalakas ang ugnayan ng Pilipinas sa Global Development Programs

Pinalalakas ni Pangulong Ferdinand Marcos Jr. ang Technical Cooperation Council of the Philippines (TCCP) para mapalawak ang pakikipagtulungan ng Pilipinas sa ibang bansa.
Sa ilalim ng Executive Order No. 115, inatasan ang TCCP na ipatupad ang programang “Development Philippines” na magbibigay ng technical assistance sa mga developing country.
Pinamumunuan ang konseho ng Department of Foreign Affairs (DFA), habang vice chair naman ang Department of Economy, Planning, and Development (DepDev).
Tungkulin ng konseho na tiyaking maayos at nakaayon sa prayoridad ng gobyerno ang mga programa at pakikipagtulungan ng bansa sa ibang estado.
Kabilang sa mga miyembro ang Department of Agriculture (DA), Department of Environment and Natural Resources of the Philippines (DENR), Department of Science and Technology (DOST), Department of Trade and Industry (DTI), Department of Healthj (DOH), Department of Migrant Workers (DMW), at Technical Education and Skills Development Authority (TESDA).
Magkakaroon din ng Technical Working Group para bantayan ang pagpapatupad ng programa.