PBBM inaprub 3-term calendar ng DepEd para palakasin edukasyon

Inaprubahan na ni Pangulong Ferdinand Marcos Jr. ang three-term school calendar ng Department of Education (DepEd) na bahagi ng mahalagang reporma sa edukasyon.
Magiging epektibo ang bagong sistema ngayong school year 2026-2027 na layuning masiguro ang tuloy-tuloy na pagpapalakas sa kalidad ng edukasyon sa bansa.
Nais ni Pangulong Marcos Jr. na mapabilis ang pag-apruba sa mga proyekto ng gobyerno na magsisilbing prayoridad para sa de-kalidad na edukasyon.
Sa ilalim ng bagong sistema, ang kasalukuyang four-term structure ay gagawing tatlong termino na lamang at inatasan ng Pangulo ang DepEd na tiyaking masuportahan ang mga estudyanteng hirap matuto, at maiayon ang mga ito sa kasalukuyan sistema sa Senior High School.
Pinaghahanda na ng Presidente ang mga opisyal ng DepEd para sa ganap na imprelentasyon nito.
Ang unang termino ay kapapalooban ng 54 na instructional days at 10 araw na assessment period.
Ang ikalawang termino ay bubuuin ng 55 araw na instructional days at 10 araw na assessment period; habang ang ikatlong termino naman ay kapapalooban ng 61 araw .