Nick Smith Jr., hinugot ng Lakers

NAGDESISYON ang Los Angeles Lakers na pirmahan si Nick Smith Jr. sa isang two-year contract upang palakasin ang kanilang backcourt bago ang playoffs.
Ginawa ang hakbang habang wala ang kanilang pangunahing guards na sina Luka Doncic at Austin Reaves, na parehong sidelined dahil sa iba’t ibang dahilan.
Ayon kay head coach JJ Redick, naging mahirap ang desisyon kung sino ang kukunin sa pagitan ni Smith at big man na si Drew Timme.
Ipinaliwanag ni Redick na mas kailangan ng koponan ang shooting at ball-handling, kaya’t si Smith ang kanilang pinili upang punan ang kakulangan sa guard rotation.
Sa kasalukuyan, may average si Smith na anim na puntos kada laro at 40% shooting mula sa three-point line sa limitadong playing time ngayong season.
Matapos ang kanilang panalo kontra Utah Jazz, nakapuwesto ang Lakers sa No. 4 seed sa Western Conference at naghahanda para sa mas matinding laban sa postseason.