Liwanag na tila jellyfish namataan sa iba’t ibang bahagi ng bansa

Namataan ang kakaibang liwanag na tila hugis jellyfish sa iba’t-ibang lugar sa Pilipinas nitong Sabado ng gabi, Abril 11.
Ayon sa ulat, may mga nakitang ganitong liwanag sa mga bayan ng Pangasinan, Tarlac, Nueva Ecija at Zambales.
Mayroon din umanong mga nakakita nito sa mga bayan sa Palawan, Tawi-Tawi, Batanes at Antique.
Posible, ayon sa mga eksperto, na ang naturang liwanag ay mula sa naganap na rocket launch ng China sa kanilang Jielong-3 rocket.
Ang liwanag naman na nakita ay tinatawag na Space Jellyfish o Rocket Jellyfish na nakikita tuwing ang isang rocket ay pinapalipad sa panahon ng pagsikat o paglubog ng araw.