Ivana wagi ng 2 award sa FAMAS

Wagi ang vlogger-actress na si Ivana Alawi ng dalawang award sa kauna-unahang FAMAS Broadcast Arts Awards.
Kinilala si Ivana bilang Best Host for Public Service kung saan naka-tie nito ang journalist na si Kara David.
Bukod dito, si Ivana rin ang nanalo ng Best Public Service Show award.
“Still can’t believe na nanalo tayo ng 2 FAMAS Awards,” mensahe ni Ivana na kanyang ipinoste sa kanyang social media accounts.
“Maraming salamat, FAMAS, sa tiwala. At higit sa lahat, maraming salamat sa bawat isa sa inyo na patuloy na nanonood, sumusuporta, at naniniwala sa lahat ng ginagawa ko.
“Hangga’t may kakayahan ako, hindi ako magsasawang tumulong at ibalik ang pagmamahal na binibigay ninyo sa akin,” ayon pa kay Ivana.
=====