Bea Binene, Wilbert Ross ayaw magpa-pressure sa real score

Masayang tinanggap nina Bea Binene at Wilbert Ross ang pagkakataong magtambal sa Philippine adaptation ng Thai hit movie na “Pee Mak” matapos silang ianunsiyo bilang bagong bida ng Viva Films.

Excited din ang kanilang mga tagahanga dahil mula sa pagiging love team ay pelikula na ang susunod na proyektong pagsasamahan ng tambalan na mas kilala ngayon bilang WilBea.

Sa story conference ng pelikula, natanong ang dalawa tungkol sa hiling ng ilang fans na aminin na nila kung may espesyal na namamagitan na sa kanila sa totoong buhay.

Gayunman, nilinaw ni Bea na hindi niya hinahayaang ma-pressure ang sarili sa mga ganitong usapin at mas gusto niyang i-enjoy muna nila ni Wilbert ang kanilang magandang samahan bilang magka-love team.

Sa ngayon, nakatutok muna ang dalawa sa kanilang bagong pelikula at sa pagbibigay ng magandang proyekto para sa kanilang supporters na patuloy na sumusuporta sa tambalang WilBea.
====