‘Pinas posibleng patawan ng dagdag-buwis ng US

Inihayag ng Office of the US Trade Representative (USTR) na batay sa kanilang imbestigasyon, bigo ang Pilipinas at 53 pang bansa na maipatupad nang epektibo ang pagbabawal sa importation ng mga produktong ginawa sa pamamagitan ng forced labor.
Dahil dito, iminungkahi ng USTR ang paglalagay ng karagdagang taripa na aabot sa hanggang 12.5 porsiyento sa lahat ng produkto mula sa mga nasuring bansa, kabilang ang Pilipinas.
Wala pang inilalabas na pahayag ang panig ng Pilipinas kaugnay sa naturang ulat at panukalang dagdag buwis.