Tumaob ang isang bangka sa bahagi ng Sitio Palasan 1, Barangay Maligaya sa bayan ng General Nakar, Quezon, 8:15 ng umaga nitong Miyerkoles, Abril 15.
Ayon sa ulat, bumiyahe ang bangka mula Barangay Pamplona patungo sana sa Sitio Magnak, Barangay Canaway nang mangyari ang insidente dahil sa malalaking alon.
Lulan nito ang walong matatanda at apat na bata.
Agad na nailigtas ang lahat ng sakay matapos ang mabilis na pagresponde ng mga awtoridad at mga residente sa pangunguna ng Barangay rescue team, mga barangay tanod at Patrol Base Maligaya.
Nakiisa na rin sa pagre-rescue ang samahan ng mga mangingisda kasama ang mga boluntaryong residente na agad rumesponde.
Walang naiulat na nasawi o nasugatan sa mga sakay.
Ligtas ding naiahon ang bangka matapos ang isinagawang operasyon.
Trending
- Pulis-Maynila kinastigo, nananakot
- Gadgets sa barangay hall ninakaw, 4 kawatan arestado
- Paslit minolestiya, tambay dinampot
- Bangkay sa toilet , suspek timbog
- May-ari ng pet crematorium sumuko sa NBI
- Emergency room sa Ospital ng Maynila umapaw
- Misis pinagtataga ng bading, naospital
- WCM Nicolas nahasa nang todo sa Czech Republic

