Mike Defensor kakasuhan ng human trafficking

Nakatakdang magsampa ang National Bureau of Investigation (NBI) ng kasong human trafficking laban kay dating Cong. Mike Defensor.
Ayon kay NBI Director Melvin Matibag nitong Miyerkoles, Hunyo 24, ihahain ang reklamo laban kay Defensor sa Pasig City Prosecutor’s Office sa Biyernes, Hunyo 26.
Kaugnay umano ito ng pag-raid ng ahensya sa isang KTV bar sa Pasig City noong Abril 21, kung saan 54 babae ang nasagip na umano’y biktima ng sex trafficking.
Nauna namang nagsampa ng mga kaso ang NBI laban sa asawa ni Defensor na si Julie Defensor at sa kanilang anak na si Miguel Gabriel Defensor kaugnay rin ng parehong insidente.