3 tulak arestado sa P34m shabu sa Zambo mall

Aabot sa P34 milyong halaga ng shabu ang nasamsam sa isang buy-bust operation sa parking lot ng isang mall sa Zamboanga City noong Martes.
Naaresto ang tatlong tulak ng droga mula sa Tawi-Tawi at Sulu nang makuha mula sa mga suspek ang limang kilo ng hinihinalang shabu na nakalagay sa limang plastic bag at isang pickup truck.
Nakatakas naman umano ang itinuturong lider ng grupo sa kasagsagan ng operasyon.
Isinailalim na sa pagsusuri ng crime laboratory ang nakumpiskang kontrabando habang isinailalim naman sa inquest proceedings ang mga suspek.