Pope Leo XIV sinakyan unang electric car ng Ferrari

Nasubukan ni Pope Leo XIV ang unang all-electric car ng Ferrari sa kanyang tirahan sa Castel Gandolfo, malapit sa Rome noong Martes, Mayo 26 sa naging pagbisita ni Ferrari Chairman John Elkann at iba pang opisyal ng kompanya.
Ang bagong modelong “Luce” ang kauna-unahang electric vehicle ng Ferrari, na may apat na pinto at limang upuan — malayo sa karaniwang mababang sports car ng brand.
Sa naturang pagbisita, ibinigay ni Elkann sa Santo Papa ang manibela ng sasakyan bilang simbolikong regalo.
Unang ipinakilala ang sasakyan sa isang gala event sa Rome bago ito ipakita kay Italian President Sergio Mattarella at kalaunan ay sa Santo Papa.