LTO pinalawig bisa ng lisensya, rehistro simula Hulyo 1

Pinalawig ng Land Transportation Office (LTO) ang bisa ng mga lisensya at rehistrasyon na nag-expire simula Hulyo 1.
Ayon sa LTO, ginawa ang hakbang dahil sa sunod-sunod na isyu na nakaapekto sa Land Transportation Management System (LTMS), upang matiyak ang tuloy-tuloy na serbisyo at mabigyan ang publiko ng sapat na panahon para maiproseso ang kanilang mga transaksyon.
Saklaw ng pagpapalawig ang motor vehicle registration, driver’s license, conductor’s license, student permit, at medical certificate.
Tiniyak ng LTO na walang sisingiling late fee o penalty para sa lahat ng renewal na sakop ng nasabing pagpapalawig habang epektibo ang Memorandum Circular No. MVL-2026-5271.
=====