Grade 10 student huli sa boga sa iskul sa Iloilo

Nahulian ang isang Grade 10 student ng boga sa loob ng kanyang backpack sa isang paaralan sa Iloilo, ayon sa Philippine National Police (PNP) nitong Miyerkoles.
Ayon sa PNP, agad na ipinaalam ng mga kawani ng paaralan sa pulisya matapos madiskubre ang isang caliber .38 revolver na may lamang anim na bala sa bag ng 15-anyos na estudyante.
Agad na siniguro ng mga rumespondeng pulis ang armas, tiniyak ang kaligtasan ng mga mag-aaral at kawani, at ipinatupad ang mga kaukulang child-sensitive intervention procedures.
Itinurn-over ang estudyante sa Municipal Social Welfare and Development Office para sa wastong pangangalaga alinsunod sa umiiral na child protection laws.
Samantala, nananatili sa kustodiya ng pulisya ang armas para sa dokumentasyon at kaukulang legal proceedings.