Inakusahan ng Foreign Minister ng Iran na si Abbas Araghchi ang Estados Unidos sa pagbagsak ng mga usapang pangkapayapaan sa Middle East kasabay ng kanyang pagbisita sa Russia, kung saan nakipagpulong siya kay Pangulong Vladimir Putin na muling nagpaabot ng suporta sa Moscow sa Tehran.
Sa Saint Petersburg, sinabi ni Araghchi na “The US approaches caused the previous round of negotiations, despite progress, to fail to reach its goals because of the excessive demands.”
Ang mga pag-uusap ay unang isinagawa sa Islamabad sa pamamagitan ng tulong ng Pakistan bilang tagapamagitan, ngunit hindi ito nagtagumpay.
Naantala rin ang susunod na yugto ng negosasyon matapos kanselahin ni US President Donald Trump ang biyahe ng kanyang mga envoy na sina Steve Witkoff at Jared Kushner.
Ayon kay Trump sa panayam sa Fox News, maaaring makipag-usap muli ang Iran sa pamamagitan ng pakikipag-ugnayan sa Washington, at nilinaw na ang pagkansela ng biyahe ay hindi nangangahulugang pagbabalik sa labanan.
Samantala, sinabi ni Iranian UN envoy Amir Saeid Iravani na kailangan ng Tehran ng garantiya na hindi na muling aatake ang US at Israel, at iginiit na “Lasting stability and security in the Persian Gulf and the wider region can only be achieved through a durable and permanent cessation of aggression against Iran, supplemented by credible guarantees of non-recurrence.”
Sa pagpupulong sa Saint Petersburg, inilarawan nina Putin at Araghchi ang kanilang ugnayan bilang isang “strategic relationship.” Giit pa ni Araghchi, ipinakita ng sigalot sa US at Israel ang “Iran’s true power and stability.”
Sa Tehran, mas mabigat ang epekto sa ekonomiya. Ayon sa isang small business owner sa AFP, “Everything in the country is up in the air right now. I have not worked for a long time.” Dagdag pa ng isa pang residente, “The country is in complete economic collapse.”
Patuloy din ang tensyon sa Strait of Hormuz kung saan ayon sa ulat ay nagpadala ang Iran ng mga sulat sa US sa pamamagitan ng Pakistan kaugnay ng mga kondisyon nito sa negosasyon.
Kinumpirma ng White House na tinalakay ang panukalang kaugnay ng posibleng pagbubukas ng naturang daanan, ngunit mariing tinutulan ng US ang anumang sistemang magbibigay sa Iran ng kontrol o pagpataw ng bayarin sa paggamit nito.
Ayon kay US Secretary of State Marco Rubio, “They cannot normalize — nor can we tolerate them trying to normalize — a system in which the Iranians decide who gets to use an international waterway, and how much you have to pay them to use it.”
Sa Lebanon naman, nagpapatuloy ang karahasan sa kabila ng ceasefire sa pagitan ng Israel at Hezbollah. Iniulat ng mga awtoridad ang mga nasawi at nasugatan dahil sa mga airstrike, habang nagbabala ang Israel kay Hezbollah leader Naim Qassem na siya ay “playing with fire.”
Ayon sa military leadership ng Israel, posibleng magpatuloy pa ang labanan hanggang 2026, at tinukoy itong “likely to be another year of fighting.”
Related Posts
