Curlee Discaya pinaaaresto na ng korte

Naglabas na ng warrant of arrest ang isang korte sa Bulacan laban sa kontratistang si Curlee Discaya.
Para ito sa kasong malversation of public funds kaugnay ng maanomalyang flood control project sa Calumpit, Bulacan.
Magugunitang nadetine si Discaya sa Senado noong Setyembre 2025 matapos ma-cite in contempt habang nagsasagawa ng Senate Blue Ribbon Committee hearing.
Kasama sa inisyuhan ng warrant of arrest ang kanyang asawang si Sarah Discaya gayundin sina dating DPWH Engineers Brice Hernandez at Jaypee Mendoza, at pitong iba pa.