Nakatakdang magsagawa ang Manila Electric Company (Meralco) ng mga scheduled power interruption sa ilang bahagi ng Bulacan, Pampanga, Quezon City, at Laguna mula Abril 7 hanggang 12 kaugnay ng maintenance at system upgrade works.
Sa advisory ng Meralco, sinabi nitong kailangan ang pansamantalang pagkawala ng kuryente upang bigyang-daan ang line reconstruction, installation of new facilities, at iba pang mga pagpapahusay na layong maging mas matatag ang serbisyo ng kuryente.
Sa Abril 7 mula 12:01 a.m. hanggang 1:00 a.m., maaapektuhan ang ilang bahagi ng Candaba, Pampanga at San Ildefonso, Bulacan, kabilang ang mga bahagi ng Malipampang–Calasag–Calawitan Road mula Barangay Malipampang hanggang Barangay Pangclara, gayundin ang ilang purok, kalsada, industrial facilities, at Calawitan National High School. Ayon sa Meralco, ito ay dahil sa line reconstruction works.
Sa Abril 8 mula 8:30 a.m. hanggang 1:30 p.m., mawawalan ng kuryente ang bahagi ng Nicanor Ramirez Street sa Barangay Don Manuel, Quezon City, mula Cordillera Street hanggang Sampaloc Seventh-day Adventist Church dahil sa line reconductoring, facility replacement, at installation of lightning protection devices.
Mula naman 11:00 p.m. ng Abril 8 hanggang 5:00 a.m. ng Abril 9, makararanas din ng power interruption ang mga bahagi ng Kamuning Road, 11th Jamboree Street, at mga kalapit na lugar sa Kamuning at Sacred Heart sa Quezon City dahil sa facility replacement at line reconductoring works.
Sa Abril 9 mula 10:00 a.m. hanggang 2:00 p.m., maaapektuhan ang mga bahagi ng Tibag Road sa Barangay II, Calamba City, kabilang ang mga kalapit na subdivision at sitio, dahil sa installation at replacement ng electrical facilities.
Sa Abril 12 mula 10:00 a.m. hanggang 3:00 p.m., sa mga takdang oras, mawawalan din ng kuryente ang ilang bahagi ng Sta. Maria at Norzagaray sa Bulacan, kabilang ang mga bahagi ng Balasing–San Jose Road, residential sitios, industrial parks, at mga karatig-komunidad dahil sa installation of new electrical facilities.
Pinayuhan ng Meralco ang mga apektadong customer na maghanda at magsagawa ng kinakailangang pag-iingat habang isinasagawa ang mga scheduled outage. Tiniyak naman ng kumpanya na agad maibabalik ang serbisyo ng kuryente matapos ang maintenance works, at sinabing bahagi ang mga upgrade ng patuloy nitong hakbang upang mapahusay ang service reliability at mabawasan ang biglaang power interruptions.
Related Posts
