Awra Briguela gigil sa komento ng guro: ‘Babaeng may lawit’

Hindi napigilan ni Awra Briguela ang pagkadismaya matapos nitong ilantad sa social media ang umano’y “degrading and transphobic” na komento ng isang netizen na lumalabas na professor mula sa isang unibersidad sa Maynila.
Sa kanyang Facebook post, ibinahagi ni Awra ang screenshot ng komento ng naturang propesor sa ilalim ng isang artikulo tungkol sa kanya.
“He commented “Ay babaeng may lawit” on a public post about me a degrading and transphobic remark that no educator should ever say to anyone, especially knowing that I am also a student,” saad ni Awra.
Giit ng celebrity personality, hindi umano dapat nagbibitiw ng ganitong salita ang isang guro lalo na sa social media dahil inaasahan ang mga itong maging mabuting ehemplo sa mga estudyante.
“As a professor, you are expected to uphold professionalism, respect, and basic human decency. Educators should serve as role models and create safe spaces for students, not contribute to online bullying, humiliation, and discrimination,” aniya.
“What he did was completely unacceptable and disappointing coming from someone in a position of authority,” dagdag pa nito.
Ibinunyag din ni Awra na marami umano siyang natanggap na mensahe mula sa mga dating estudyante ng professor tungkol sa umano’y hindi magandang asal nito.
Ayon kay Awra, hindi isolated incident ang nangyari dahil may mga negatibong karanasan ding ibinahagi sa kanya ang ilang estudyante.
“Because of this, I am now considering formally reporting the matter to the Universidad De Manila administration and gathering statements from individuals who may have also experienced inappropriate treatment from him. Accountability is important, especially for people entrusted to educate and influence students,” pahayag pa nito.
Binigyang-diin ni Awra na dapat igalang ang dignidad ng bawat tao anuman ang gender identity nito.
“Respect should never depend on gender identity, appearance, or personal opinions. Everyone deserves dignity, and no professor should use their platform to publicly shame or degrade another person,” ayon pa sa kanya.
Sa comment section, sinabi rin ni Awra na kasalukuyan na itong nangangalap ng mga pahayag at reklamo bilang paghahanda sa pormal na pagsasampa ng reklamo laban sa professor.
“This is not about hate or revenge — this is about accountability, professionalism, and making sure that students are treated with dignity and respect,” pagtatapos ni Awra.