Adeline Dumapong nag-alay ng lifetime award sa para sports community

Inialay ng retiradong Paralympic powerlifter na si Adeline Dumapong Ancheta ang kanyang pinakabagong pagkilala sa komunidad ng para sports, umaasang makapagbibigay siya ng inspirasyon sa mas maraming pagbabago at mas maraming atleta na kumatawan sa bansa.
Ginawaran si Dumapong Ancheta ng Lifetime Achievement Award sa ikatlong edisyon ng All-Women in Sports Awards noong nakaraang Huwebes sa Philippine International Convention Center sa Pasay City.
Gumawa ng kasaysayan ang 52-taong-gulang na si Ellen para sa Pilipinas, nang maiuwi niya ang tansong medalya, ang unang medalya ng bansa sa 2000 Syndey Paralympics.
Nanalo si Dumapong Ancheta ng 19 na medalya at lumahok sa limang Paralympic Games sa loob ng halos tatlong dekada niyang karera.
Sinabi ng para powerlifter na maraming pagbabago at pagbuti sa komunidad ng para sports kumpara dati.
Sa kabila ng pagreretiro sa 2024, sinabi ni Dumapong Ancheta na ang kanyang papel sa komunidad ng para sports ay hindi natatapos at nagsisimula pa lamang hanggang sa maabot nito ang “ideal stage.”
Para kay Dumapong Ancheta, ang parangal ay hindi lamang para sa kanya, kundi para sa mga tumutulong sa pagpapalago at pagsuporta sa komunidad ng para sports sa likod ng mga eksena.