‘Space jellyfish’ namataan sa ‘Pinas

Inihayag ng Philippine Space Agency (PhilSA) na ang liwanag na nakita sa langit sa ilang bahagi ng Pilipinas bandang 8:10 ng gabi nitong Martes, Mayo 12, ay posibleng dulot ng paglulunsad ng rocket ng China.
Sa isang abiso nitong Miyerkoles, sinabi ng PhilSA na inilunsad ang Long March 6A (Chang Zheng 6A) ng People’s Republic of China mula sa Taiyuan Satellite Launch Center bandang 7:58 ng gabi, oras sa Pilipinas.
“The phenomenon is commonly called a ‘space jellyfish’, which occurs when a rocket’s exhaust plume, released at high altitudes, is directly illuminated by sunlight while observers on the ground remain in darkness,” paliwanag nila.
“The expanding plume fans out in the thin upper atmosphere and scatters sunlight, creating a luminous, jellyfish-like glow visible over wide areas during twilight conditions,” dagdag pa nila.
Ayon pa sa PhilSA, walang inaasahang debris drop zone mula sa naturang paglulunsad sa teritoryo o katubigan ng Pilipinas.