PGH nurse absuelto sa P60m nasunog na equipment — COA

Pinawalang-sala ng Commission on Audit (COA) sa pananagutan ang Philippine General Hospital (PGH) head nurse sa pagkawala ng P60 milyong halaga ng medical equipment na nasunog noong 2021.
Ayon sa COA, walang ebidensiya ng kapabaya­an si Ma. Teresa Bascara habang nasa kanyang kustodiya ang mga kagamitan.
Nasira ang mga ito nang masunog ang ikatlong palapag ng Central Block ng Philippine General Hospital noong Mayo 16, 2021, kung saan nada­may ang iba’t ibang sterilization equipment.
Batay sa imbestigasyon ng Bureau of Fire Protection, aksidente ang sunog at dulot ng electrical failure mula sa nag-overheat na mga makina.
“In this case, this Commission finds no fault or negligence which may be attributed to Ms. Bascara for the loss of the hospital equipment and medical instruments,” ayon sa COA.