Lider ng NPA timbog sa Surigao del Sur

Naaresto ang isang lider ng New People Army (NPA) sa isinagawang operation sa Lianga, Surigao del Sur.  
Kinilla ang naaresto sa alias Niel, squad leader ng Squad 2, Sub-Regional Sentro De Grabidad Southland, North Eastern Mindanao Regional Committee, at No. 3 Regional Level Most Wanted Person ng  PRO 13.  
Ayon kay PNP Chief Gen Jose Nartatez Jr., naaresto ang  suspek ng elemento ng Barobo Municipal Police Station at 1st Special Action Battalion, Special Action Force (1SAB, SAF)  Sitio Logdeck, Barangay San Isidro, Lianga, Surigao del Sur.
Inaresto ang suspek sa bisa ng warrant of arrest sa kasong 3 count ng  murder, 2 counts ng  Frustrated Murder, at 1 count ng Attempted Murder na ipinalabas ng Regional Trial Court, Branch 28, 11th Judicial Region, Lianga, Surigao del Sur, noong February 2.
Nasa kustodiya ang suspek ng Barobo Municipal Police Station, Surigao del Sur Police Provincial Office, habang sumasailalim sa documentation at nakatandang iharap sa korte na naglabas ng warrant of arrest.