Maine , Arjo going strong sa b-day ni Ciara Sotto

Natuwa ang mga fans nina Maine Mendoza at Arjo Atayde matapos silang makita na magkasama sa belated birthday celebration ni Ciara Sotto.
Ibinahagi ni Ciara sa social media ang ilang larawan mula sa kanyang birthday gathering kasama ang malalapit niyang kaibigan.
Kabilang sa mga dumalo sina Maine at Arjo na kapwa game na game sa group photos.
Sa isa sa mga larawang ibinahagi ni Ciara, makikitang magkasama at kapwa nakangiti ang mag-asawa, bagay na ikinatuwa ng kanilang mga tagahanga.
Ayon sa ilang fans, sapat na ang naturang mga larawan para patunayang maayos at masaya ang relasyon nina Maine at Arjo.
Madalas kasing mabuo ang iba’t ibang espekulasyon kapag hindi sila nakikitang magkasama sa ilang events.
Matatandaang nilinaw na rin noon ni Sylvia Sanchez na maayos ang pagsasama ng kanyang anak at ni Maine.
Kaya para sa kanilang supporters, isa na namang patunay ang mga larawang ito na going strong pa rin ang celebrity couple.
====