3K marinong Pinoy stranded pa rin sa Strait of Hormuz

Tinatayang nasa 3,000 marinong Pilipino ang nananatili pa sa Strait of Hormuz, ayon sa Department of Migrant Workers (DMW).
Bagama’t stranded, sinabi naman ni DMW Secretary Hans Cacdac nitong Huwebes sa isang panayam sa radyo na ligtas ang mga naturang Pinoy at patuloy na nagtatrabaho.
May sapat din umano silang suplay at 24/7 silang mino-monitor sa pamamagitan ng kanilang mga licensed manning agency at shipowner.
Nilinaw rin ni Cacdac na hindi bihag ang mga seafarer at tuloy-tuloy ang kanilang trabaho, gayundin ang pagtanggap ng kanilang sahod at benepisyo.
Samantala, 3,718 marinong Pinoy naman ang ligtas na nakalabas sa Strait of Hormuz, ayon pa sa DMW.
====