Pambato ng Guam na si Jericho Cruz sasagupa kontra Gilas

Nakahanda si Jericho Cruz at ang Guam men’s national basketball team sa isang nakakatakot na gawain sa kanilang unang pagkakataon sa FIBA World Cup Qualifiers sa Asia.
Makakaharap ng Guam ang kapwa niya San Miguel Beermen na sina CJ Perez at June Mar Fajardo sa kanilang laban sa Gilas Pilipinas at ito ay bukod pa sa pagharap sa mga powerhouse na Australia at New Zealand na tinawag ng fans na “Group of Death.”
“Malakas nga,” komento ni Cruz sa komposisyon ng kanilang grupo matapos ang panalo ng San Miguel laban sa Blackwater Bossing noong Linggo.
Kinatawan ni Cruz ang Guam mula noong 2021 Asia Cup Qualifiers.
Tinulungan niya noon ang Oceanian squad na maabot ang kanilang kauna-unahang Asia Cup, dahil sasabak din sila sa 2025 Saudi Arabia edition sa huling bahagi ng taong ito.
Kaya naman para sa produkto ng Adamson University, ang kanilang paparating na kampanya laban sa Gilas, Australia, at NZ ay magiging patunay ng pag-unlad na naabot ng kanilang programa nitong mga nakaraang taon.
“’Di ko naman iniisip yun, basta ine-enjoy ko lang to get experience,” wika nito. “First namin as a unit sa ganung competition, una FIBA Asia Cup, ngayon naman World Cup Qualifiers.“
“So happy kami, pero ang goal namin dito is to get experience, and to see what kind of level we were right now. Dati, nasa area lang kami sa Oceania, tapos natatalo na namin yung mga Southeast Asian teams, so malaking bagay ‘to para sa amin,” dagdag nito.
Inaasahang maghaharap ang Gilas at Guam sa Pebrero 26, 2026, sa isang hindi pa matukoy na lugar.
Gayunpaman, naninindigan si Cruz na hindi talaga nila ito pinag-uusapan nina Perez, at Fajardo sa kanilang bakasyon.
“Kapag magkakasama kami, hindi naman basketball yung pinag uupan namin,” hirit nito. “Pero malakas yung Gilas eh, so I will just enjoy.”