Natagpuang patay ang hepe ng Tuburan Municipal Police Station (MPS) sa loob ng tanggapan nito sa Tuburan, Cebu noong Sabado ng hapon.
Kasalukuyang nagluluksa ang Cebu Provincial Police Office (CPPO) sa pagkamatay ni P/Lt. Col. Glenn Hife.
Nadiskubreng wala nang buhay si Hife 5:30 ng hapon sa loob ng kuwarto ng kanyang opisina sa naturang police station.
Sa imbestigasyon noong umaga ng Sabado na dumaing si Hife na masakit ang kaniyang tiyan at nagkulong sa kaniyang opisina para umano magpahinga.
Gayunman, nagsimulang mag-alala ang mga tauhan ni Hife nang 5:00 na ng hapon hindi pa ito lumalabas ng kaniyang opisina.
Nang tunguhin ang silid ni Hife, dito na nadiskubre na hindi na ito gumagalaw at matigas na ang katawan.
Ipinaabot ng mga kasapi nh CPPO ang kanilang pakikiramay sa naulilang pamilya ng nasabing hepe ng Tuburan na inaalam pa ang sanhi ng kanyang pagkasawi.