Cancer patient, 3 pa sugatan sa salpukan ng SUV, van sa Maynila

Sugatan ang apat katao, kabilang ang isang cancer patient nang magbanggan ang isang sports utility vehicle (SUV) at cargo van sa Malate, Maynila nitong Miyerkules.
Nangyari ang insidente sa intersection ng Taft Avenue at Malvar Street 5:30 ng madaling-araw.
Ayon sa Manila Police District, tumaob ang SUV nang mabangga ng van sa interseksyon.
Nasugatan ang driver ng SUV at tatlong pasahero ng van na agad dinala sa Philippine General Hospital para sa paggamot.
Patuloy pang iniimbestigahan ng mga awtoridad ang sanhi ng insidente.